Заңнамаға енгізілген өзгерістерге байланысты ведомстводан тыс кешенді сараптама жүргізу процесстері

2016 жылдың ақпан айының 19-да «Мемсараптама» РМК-нің Атырау облысы бойынша филиалында «Заңнамаға енгізілген өзгерістерге байланысты ведомстводан тыс кешенді сараптама жүргізу процесстері» тақырыбында салалық сараптама өкілдері, тапсырысшылар және жобалау мекемелерінің қатысуымен семинар-кеңес өткізілді. Күн тәртібіндегі сұрақтар: 1. Ведомстводан тыс кешенді сараптама жүргізу схемасы. 2. Жобалау жұмысының құнын ресурстық тәсілмен анықтау. 3. Ведомстводан тыс кешенді сараптама жүргізудің құнын анықтау. 4. Жобаларды ведомстводан тыс кешенді сараптамадан өткізу функциясының бөлігін бәсекелес ортаға беру. Осы сұрақтар бойынша филиал қызметкерлері жауап беріп, сондай-ақ «Мемсараптама» РМК-нің Атырау облысы бойынша филиалы директорының орынбасары Қапақов Роман Асылбекұлы семинарды жүргізе отырып, толықтай жауап берді. Ведомстводан тыс кешенді сараптау үшін бірыңғай порталда онлайн-тәртіпте жүргізу жұмысының функцияларын филиалдың бас маманы Ефремов М.А. таныстырып көрсетті. Семинар соңында қатысушылар, «Мемсараптама» РМК-нің Атырау облысы бойынша филиалына, үнемі семинарлар, сараптамалық кеңестер, презентациялар, оқыту курстарын ұйымдастырып және өткізулеріне ризашылық білдірді. Сонымен қатар, қатысушылармен ведомстводан тыс кешенді сарапатамадан өту кезінде туындайтын қажетті қосымша сұрақтар қойылып, оларға филиал қызметкерлері толықтай жауап берді.