Тапсырыс берушілерге арналған семинар

2015 жылғы 19 маусым күні «Мемсараптама» РМК-нің Алматы облысы бойынша филиалында «бір терезе» қағидаты бойынша ведомстводан тыс кешенді сараптама өткізуге қатысты мәселелер бойынша жиын өткізілді. Аталған жиынға Алматы облысы құрылысы жобаларының жобалаушылары мен тапсырыс берушілері қатысты. «Мемсараптама» РМК Алматы облысы бойынша филиалының директоры Б.Туғанбаев қатысушыларды ведомстводан тыс кешендісараптама өткізудің жаңа қағидаттарымен, электронды портал арқылы бастапқы рұқсат материалдарымен бірге ТЭН немесе ЖСҚ ұсыну тәртібімен, ведомстводан тыс кешенді сараптаманы (салалық сараптаманы қоса есептегенде) өткізудің мерзімдерімен кеңінен таныстырып өтті. Сөз алушы ведомстводан тыс кешенді сараптама белгіленген мерзімде қатаң есеп беру бланкілерінде электронды сандық қол қойылған ескертпелерді бір мәрте ғана беретіндігін, сонымен қатар, «Жоба» сатысындағы объектілерді ведомстводан тыс кешенді сараптама қарастырмайтындығын айтып өтті. Сараптамалық сүйемелдеу тәртібіндегі сараптама өткізі мүмкін емес. Сарапшылардың тапсырыс берушілермен «онлайн» тәртібінде (телефон арқылы хабарласу, интернет арқылы хат алмасу, таласты мәселелер туындағанда алқалық жиындар өткізу) жұмыс жасау принципі және сарапшылардың жобалаушылармен және тапсырыс берушілермен тікелей байланысына тыйым туралы ерекше аталды. Қатысушылардың сұрақтарына «Мемсараптама» РМК Алматы облысы бойынша филиалы директорының орынбасарлары Ж.Молдыбаева және М.Бектурсунов, «Мемсараптама» РМК Алматы облысы бойынша филиалы өндірістік бөлімінің бастығы Т.Евтушевская, «Мемсараптама» РМК Алматы облысы бойынша филиалы ақпараттық қамтамасыз ету бойынша бас маман М.Мусанов жауап берді. «Мемсараптама» РМК Алматы облысы бойынша филиалы жинақтау бөлімінің бастығы Г.Бейсембаева жиын қатысушыларына пайдалы ақпарат ұсынды, баяндамашы сараптамаға ұсынылатын құжаттаманың жиынтығына баса назар аударды. Сараптамалық қызметті жетілдіру аясында «Мемсараптама» РМК-нің Алматы облысы бойынша аумақтық бөлімшесі жобалау-құрылыс кешені қатысушыларының әрекеттестік процессін жақсартуды, ортақ қызметті үйлестіруді, өзекті мәселелерді талқылау және перспективалық тапсырмаларды анықтауды мақсат етіп қояды. Аталған іс-шараларды жаңа формаларды пайдалана отырып тұрақты түрде өткізу жоспарлануда.