Дәріс-сұхбат

«Мемсараптама» РМК филиалы қызметкерлері мінез-құлығының сыбайлас жемқорлыққа қарсы моделін қалыптастыру мақсатында 2015 жылғы 21 тамызда «Мемлекеттік органдарда сыбайлас жемқорлықтың алдын алудың әлеуметтік-адамгершілік аспектілері» тақырыбында дәріс өткізілді, дәріске Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Алматы облысы бойынша департаментінің сыбайлас жемқорлыққа қарсы ағарту жұмыстары және жұртшылықпен өзара іс-қимыл бөлімінің консультанты Разбекова Ләззат Мұратқызы қатысты. Дәріс барысында Қазақстан Республикасының 2015-2025 жылдарға арналған сыбайлас жемқорлыққа қарсы стратегиясының негізгі ережелері, сыбайлас жемқорлық құқық бұзушылықтар үшін жауапкершіліктің күшейгендігі туралы түсіндірме жұмыстары өткізілді, мемлекеттік қызмет көрсету сапасының мәселелері талқыланды, мемлекеттік қызметкерлердің ар-намыс кодексі бұзушылығы туралы тәртіптік кеңестің материалдары келтірілді, «100 нақты қадам» бағдарламасы қысқаша түсіндірілді, сонымен қатар Ләззат Мұратқызы кәсіби мемлекеттік аппарат құру бойынша реформалар жайында кеңінен ақпараттандырды. Дәріс барысында сыбайлас жемқорлыққа қарсы бағытталған 2 бейнебаян көрсетілді. Жетекші маман Д. Исагалиева «Мемсараптама» РМК Алматы облысы бойынша филиалының қызметкерлерін «Мемсараптама» РМК қызметкерлерінің корпоративтік мәдениеті Кодексінде және Мемлекеттік сарапшылардың ар-намыс кодексінде баяндалған қоғамдық және сыртқы ұйымдармен әрекеттестік этикасымен таныстырып өтті. Филиал директоры Б. Туғанбаев Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Алматы облысы бойынша департаментінің сыбайлас жемқорлыққа қарсы ағарту жұмыстары және жұртшылықпен өзара іс-қимыл бөлімімен жұмыс тұрақты түрде жалғасатынын атап өтті.