19-23 қараша күндері Семей қаласындағы жаңа заман тарихын құжаттандыру орталығының ұйымдастыруымен іс қағаздарын жүргізу және мұрағаттану бойынша қаладағы мемлекеттік мекемелер өкілдерінің қатысуымен біліктілікті көтеру курсы өтті. Аталмыш семинарға «Мемсараптама» РМК Семей қаласындағы филиалының қызметкерлері – сараптамалық құжат айналым секторының жетекшісі М.Т. Олжабаева және өндірістік бөлімнің бас маманы Е. Ю. Ростова қатысты.
Семинар барысында мекемелерде іс қағаздарын жүргізу, мұрағат ісін жүргізу, құжаттармен жұмыс істеу технологиясы, мұрағатпен жұмыс және тағы басқа мәселелер қаралды.
Семинарға қатысушыларға әдістемелік материалдар ұсынылды. Семинар соңында барлық қатысушыларға сертификат берілді.