«Мемсараптама» РМК Алматы қаласында қолданыстағы BRT желісінен Райымбек даңғылына дейін «Тимирязев көшесінің Байтұрсынов көшесінен Желтоқсан көшесіне дейін және Желтоқсан көшесінен Райымбек даңғылына дейін» BRT желісін салу жобалық құжаттамасына оң қорытынды берді.
Жобаның мақсаты: қоғамдық көліктің басым қозғалысын қамтамасыз ететін қоғамдық көлік дәлізі мен жолаушылар инфрақұрылымдық жүйесін құру. Қалада қоғамдық көліктің арнайы жолақтарын салу, сәйкесінше оның қозғалыс жылдамдығын және оны пайдаланушы азаматтардың қатарын арттырады.
Құжатқа сәйкес құрылыс «учаскелерге» бөлінген:
1 кезек: Тимирязев көшесінің Байтұрсынов көшесінен Желтоқсан көшесіне дейін және Желтоқсан көшесінен Райымбек даңғылына дейінгі учаскесін салу;
2-кезек: Желтоқсан көшесінен Орманов көшесіне дейін, яғни Төле би көшесінің учаскесін салу жоспарланған.
Жалпы, құрылыс учаскесінің ұзындығы 5 км жуық, қозғалыс жолақтарының ені 3,5-4 м, қоғамдық көлік аялдамаларының саны – 18.
Тапсырыс беруші: «Алматы қаласы қалалық мобилділік басқармасы» коммуналдық мемлекеттік мекемесі
Бас жобалаушы: «Казахский Промтранспроект» ЖШС