Республиканское государственное предприятие на праве хозяйственного ведения
«Государственная вневедомственная экспертиза проектов»
Сыбайлас жемқорлыққа қарсы іс-қимыл бойынша бағдарламаны іске асырудың 2024 жылға арналған іс-шаралар жоспары шеңберінде «Аманат» партиясының Ақмола облыстық филиалы жанындағы Сыбайлас жемқорлыққа қарсы іс-қимыл жөніндегі кеңес мүшесі, «Жаңару» сыбайлас жемқорлыққа қарсы жалпыұлттық қозғалысы» РҚБ Ақмола филиалының директоры, ҚР Агенттік Департаменті жанындағы сыбайлас жемқорлыққа қарсы ерікті Плюснин Игорь Геннадьевичтің қатысуымен «ҚР сыбайлас жемқорлыққа қарсы саясаттың тиімділігін түсіндіру, сыбайлас жемқорлыққа қарсы күрестің жаңа тетіктері» тақырыбында дәріс ұйымдастырылды.
Дәріс барысында қызметкерлерге сыбайлас жемқорлыққа қарсы заңнама түсіндіріліп, оған қарсы күресті күшейтуге, соның ішінде сыбайлас жемқорлық құқық бұзушылықтардың жүйелі түрде алдын алуға қатысты нақты мысалдар келтіре отырып, жасалған осындай құқық бұзушылықтар үшін жазалаудың бұлтартпастығына назар аударылды. Аталмыш тақырыптағы қысқа және өмірлік бейнероликтер көрнекі түрде көрсетілді. Дәріс соңында модератор сыбайлас жемқорлыққа қарсы мәдениетті қалыптастыру жұмысында жаңа әдістер мен тәсілдерді қолдану қажеттігін атап өтті.
Дәріс қорытындысы бойынша іс-шараға қатысушылар Қазақстан Республикасының қолданыстағы заңнамасының талаптары шеңберінде өзара тиімді іс-қимылды одан әрі нығайтуға қызығушылық танытты.