Сараптама ұйымдары құрылыс объектісінің машинамен оқылатын деректерімен жұмыс істеу мәселелерін талқылады

«Мемсараптама» РМК «Күрделі құрылыс объектісінің өмірлік циклінің әр түрлі кезеңдерінде машинамен оқылатын деректермен жұмысты ұйымдастыру» тақырыбындағы дөңгелек үстелге қатысты.
Конференц-байланыс режимінде талқылауға «Ресейдің Главгосэкспертизасы» ФАУ, Әзірбайжанның бейінді агенттігі, сондай-ақ Қырғызстан, Беларусь және Түрікменстанның салалық департаменттері мен басқармаларының өкілдері қатысты. «Мемсараптама» РМК шақыруы бойынша іс-шараға «ҚазҚСҒЗИ» АҚ мамандары да қатысты.
Талқылау барысында Ресей Бас мемлекеттік сараптамасының өкілдері күрделі құрылыс объектісінің өмірлік циклінің барлық кезеңдерінде машинада оқылатын деректерді енгізу тәжірибесі, сондай-ақ сараптама кезеңінде машинада оқылатын мәліметтермен жұмыс істеу тәжірибесі туралы айтты.
Кездесу соңында қатысушылар ТМД-ға мүше мемлекеттер халқының өмір сүру деңгейін арттыру мүддесінде құрылыс саласын дамыту процесінде халықаралық үйлестіруді және сараптаманың рөлін нығайту мақсатында осындай дөңгелек үстелдерді өткізуді жалғастыруға келісті.

Фото:Shutterstock/FOTODOM