«Таза Қазақстан» ұлттық экологиялық науқаны аясында 18 мамырда елордада ағаш отырғызу бойынша кезекті экологиялық акцияға «Мемсараптама» РМК қызметкерлері қатысты.
«Экологиялық айлыққа сәйкес бұл апталық «Жасыл аймақ» деп аталады, онда ағаш көшеттері отырғызылып, аулалар абаттандырылуда. Мемлекет басшысы Қасым-Жомарт Тоқаевтың бес жыл ішінде 2 миллиард ағаш отырғызу жөніндегі бастамасын қолдап, «Мемсараптама» РМК елордадағы тазалықты, тәртіпті және абаттандыруды қамтамасыз етуге өз үлесін қосуда. Көпшілік әріптестеріміз бүкіл отбасымен келіп, өскелең ұрпаққа үлгі-өнеге көрсетуде», – дейді «Мемсараптама» РМК бас директорының орынбасары Әкімжан Үсенұлы.
Кәсіпорын жыл сайын республика бойынша өзі орналасқан аймақтарда жүйелі түрде жасыл желектерді отырғызу жұмыстарын жүргізеді.